प्रधानन्यायाधीश मनोजकुमार शर्मा भारत प्रस्थान

प्रधानन्यायाधीश डा. मनोजकुमार शर्मा आफ्ना भारतीय समकक्षी सूर्यकान्तको निमन्त्रणामा बिहीबार भारत प्रस्थान गर्नुभएको छ। सर्वोच्च अदालतका प्रवक्ता अर्जुनप्रसाद कोइरालाका अनुसार भ्रमणका क्रममा द्विपक्षीय भेटवार्ता र भारतको सर्वोच्च अदालतको अवलोकन गर्ने कार्यक्रम रहेको छ। दुई देशबीचको न्यायिक सहयोगलाई सुदृढ बनाउन उहाँ काठमाडौंबाट नयाँ दिल्लीतर्फ लाग्नुभएको हो।