नेपाल एभरेस्ट फिल्म फेस्टिभलका विजेतालाई काठमाडौँमा नगद पुरस्कारसहित अवार्ड प्रदान

चीनको हुनान प्रान्तस्थित छाङ्सामा सम्पन्न 'नेपाल एभरेस्ट फिल्म फेस्टिभल' का विजेताहरूलाई काठमाडौँमा आयोजित एक विशेष समारोहमा अवार्ड प्रदान गरिएको छ। अभिनेता दीपकराज गिरी र अभिनेत्री मिरूना मगरले उत्कृष्ट कलाकारको अवार्डसँगै जनही एक हजार अमेरिकी डलर पुरस्कार प्राप्त गरे। चलचित्र विकास बोर्डको सहकार्यमा आयोजित उक्त कार्यक्रममा विभिन्न विधाका कलाकार र प्राविधिकहरूलाई कुल १० हजार डलर नगद पुरस्कार वितरण गरिएको थियो। सो अवसरमा चीनबाट आएको आठ सदस्यीय प्रतिनिधिमण्डलको समेत उपस्थिति रहेको थियो।