वित्तीय अपराध नियन्त्रणका लागि स्ट्यान्डर्ड चार्टर्ड र एफआईयू–नेपालद्वारा कार्यशाला आयोजना

स्ट्यान्डर्ड चार्टर्ड बैंक नेपालले वित्तीय सूचना इकाइ (एफआईयू–नेपाल) र नेपाल राष्ट्र बैंकसँगको सहकार्यमा वित्तीय अपराध नियन्त्रणसम्बन्धी क्षमता अभिवृद्धि कार्यशाला सम्पन्न गरेको छ। एफएटीएफ मापदण्डअनुसार सम्पत्ति शुद्धीकरण निवारण र वित्तीय अपराध नियन्त्रणमा केन्द्रित सो कार्यक्रममा १४० भन्दा बढीको सहभागिता थियो। कार्यशालामा नियामक निकाय, बैंक, बीमा कम्पनी र धितोपत्र बजारका प्रतिनिधिहरूले अनुपालन प्रभावकारिता अभिवृद्धि गर्ने विषयमा छलफल गरेका थिए।