डा. गोविन्द केसीका माग सम्बोधन गर्न शिक्षामन्त्रीद्वारा प्रक्रिया सुरु

शिक्षा, विज्ञान तथा प्रविधिमन्त्री विद्या भट्टराईले चिकित्सा शिक्षा अभियन्ता डा. गोविन्द केसीका मागहरू सम्बोधन गर्ने प्रक्रिया सरकारले सुरु गरेको जानकारी दिनुभएको छ। एक छलफलका क्रममा मन्त्री भट्टराईले आफू डा. केसीको कामको प्रशंसक रहेको बताउँदै उहाँका मागहरूप्रति सकारात्मक रहेको उल्लेख गर्नुभयो। चिकित्सा शिक्षा सुधारका लागि भएका पूर्वसहमतिहरू कार्यान्वयन गर्न मन्त्रालयले आवश्यक कानुनी र प्रक्रियागत पक्षहरूको अध्ययन गरिरहेको छ।