झापामा बच्चाको डायपरभित्र लुकाइएको ब्राउन सुगरसहित चार जना पक्राउ

झापाको भद्रपुर नगरपालिका-५ स्थित बसपार्क क्षेत्रबाट बच्चाको डायपरभित्र लुकाइएको ब्राउन सुगरसहित चार जना पक्राउ परेका छन्। भारतबाट अटो रिक्सामा नेपाल प्रवेश गरेका मोहित आलमसहितका व्यक्तिहरूलाई शंका लागेपछि प्रहरीले खानतलासी गर्दा उक्त लागुऔषध फेला पारेको हो। जिल्ला प्रहरी कार्यालयका अनुसार बिहीबार साँझ उनीहरूलाई नियन्त्रणमा लिइएको थियो। नाबालकको कपडा प्रयोग गरी गरिएको यस लागुऔषध तस्करीबारे प्रहरीले थप अनुसन्धान गरिरहेको छ।