बागमती किनारका हटाइएका बस्ती क्षेत्रमा खुला पार्क र हरित क्षेत्र निर्माण गरिने

बागमती नदी किनारबाट हटाइएका अव्यवस्थित बसोबास क्षेत्रलाई खुला सार्वजनिक क्षेत्रका रूपमा विकास गरिने भएको छ। सरकारले ती स्थानमा हरित क्षेत्र, खेलमैदान, पदमार्ग र नदी पुनर्जीवनसँग सम्बन्धित पूर्वाधार निर्माण गर्ने योजना अघि सारेको छ। अधिकार सम्पन्न बाग्मती सभ्यता एकीकृत विकास समितिले वातावरणीय सन्तुलन कायम राख्न ती क्षेत्रमा कुनै पनि स्थायी कङ्क्रिट संरचना निर्माण नगर्ने जनाएको छ।