खुला सीमा नाकालाई सुरक्षित र प्रविधिमैत्री बनाउन संसदीय समितिको निर्देशन

राष्ट्रिय सभा अन्तर्गतको संघीयता सबलीकरण तथा राष्ट्रिय सरोकार समितिले खुला सीमाबाट उत्पन्न हुन सक्ने सुरक्षा चुनौतीलाई मध्यनजर गर्दै सीमा सुरक्षालाई थप प्रभावकारी र प्रविधिमैत्री बनाउन गृह मन्त्रालयलाई निर्देशन दिएको छ। सिंहदरबारमा शुक्रबार बसेको समितिको बैठकले सीमा क्षेत्रमा खटिने सुरक्षा निकायलाई आवश्यक जनशक्ति, आधुनिक उपकरण र पूर्वाधारसहित सुदृढ बनाउन सरकारलाई आग्रह गरेको हो। समितिले विशेषगरी भारत र चीनसँगका सीमा नाकाहरूमा सुरक्षा प्रणालीलाई व्यवस्थित बनाउन जोड दिएको छ।