मधेस प्रदेशमा गुणस्तरहीन खाद्यवस्तु उत्पादन गर्ने ६२ व्यवसायीविरुद्ध मुद्दा दर्ता

मधेस प्रदेशमा गुणस्तरहीन खाद्य सामग्री उत्पादन तथा बिक्री वितरण गरेको आरोपमा ६२ जना उद्यमीविरुद्ध मुद्दा दर्ता गरिएको छ। खाद्य प्रविधि तथा गुण नियन्त्रण कार्यालयले आर्थिक वर्ष २०८२/८३ मा संकलन गरिएका खाद्य नमुनाहरूको परीक्षण गर्दा कैफियत भेटिएपछि यो कदम चालेको हो। उपभोक्ताको स्वास्थ्यमा खेलबाड गर्ने ती व्यवसायीहरूविरुद्ध सम्बन्धित जिल्ला अदालत र जिल्ला प्रशासन कार्यालयहरूमा मुद्दा दायर गरिएको छ।