धनकुटामा ७१ किलो गाँजासहित दुई जना पक्राउ

धनकुटाको साँगुरीगढी गाउँपालिका–२ स्थित भेडेटार–मान्दावा सडकखण्डबाट प्रहरीले शुक्रबार राति ठूलो परिमाणको गाँजासहित दुई जनालाई पक्राउ गरेको छ। इलाका प्रहरी कार्यालय भेडेटारबाट खटिएको टोलीले को२ह १२५ नम्बरको अटो (टेम्पो) जाँच गर्ने क्रममा पाँचवटा बोरामा प्याक गरिएको ७१ किलो ३५ ग्राम गाँजा बरामद गरेको हो। पक्राउ परेका व्यक्तिहरू र सवारी साधनलाई नियन्त्रणमा लिएर थप अनुसन्धान अगाडि बढाइएको प्रहरीले जनाएको छ।