सशस्त्र प्रहरी विद्यालयको ११ करोड हिनामिना प्रकरणमा इन्स्पेक्टर गुरुङमाथि अनुसन्धान सुरु

कीर्तिपुरस्थित सशस्त्र प्रहरी बलको विद्यालयमा ११ करोड रुपैयाँभन्दा बढी रकम हिनामिना गरेको आरोपमा सशस्त्र प्रहरी निरीक्षक कल्पना गुरुङ र उनका साथी लीलाबहादुर लामामाथि अनुसन्धान सुरु भएको छ। अख्तियार दुरुपयोग अनुसन्धान आयोगले उनीहरूविरुद्ध भ्रष्टाचारको कसुरमा कारबाही अघि बढाएको हो। विशेष अदालतले यस प्रकरणमा थप अनुसन्धानका लागि उनीहरूलाई १० दिन थुनामा राख्न अनुमति दिएको छ।