वन र पर्यावरण संरक्षणलाई प्राथमिकता दिनुपर्नेमा मन्त्री गीता चौधरीको जोड

कृषि, वन तथा पर्यावरणमन्त्री गीता चौधरीले जल, जङ्गल र जमिन जस्ता प्राकृतिक स्रोतको संरक्षणलाई उच्च प्राथमिकता दिनुपर्नेमा जोड दिनुभएको छ। धनुषाको धनुषाधामस्थित सबडिभिजन वन कार्यालयमा आयोजित वृक्षरोपण तथा छलफल कार्यक्रममा बोल्दै उहाँले पर्यावरण संरक्षणबिना मानव अस्तित्व नै संकटमा पर्ने बताउनुभयो। मन्त्री चौधरीले कृषि र वन क्षेत्रको दिगो विकासका लागि संघ, प्रदेश र स्थानीय तहबीच प्रभावकारी समन्वय आवश्यक रहेको समेत उल्लेख गर्नुभयो।