पोखरामा पर्यटकको सुरक्षा र सूचनाका लागि क्यूआर कोड सेवा सुरु

गण्डकी प्रदेश प्रहरी कार्यालय र पोखरा पर्यटन परिषद्को संयुक्त पहलमा स्वदेशी तथा विदेशी पर्यटकका लागि ‘क्यूआर कोड’ सेवा सञ्चालनमा ल्याइएको छ। यो क्यूआर कोडमार्फत पर्यटकले नेपाल प्रहरीको आपत्कालीन नम्बर, सुरक्षासम्बन्धी जानकारी र पर्यटकीय क्षेत्रका आवश्यक विवरणहरू सहजै प्राप्त गर्न सक्नेछन्। गण्डकी प्रदेश प्रहरी प्रमुख प्रहरी नायब महानिरीक्षक दीपेन्द्र जिसीले यस सेवाको सुरुवात गर्दै पर्यटकको सुरक्षालाई प्राथमिकता दिइएको बताउनुभयो। पोखरा भ्रमणमा आउने पर्यटकलाई सुरक्षित र व्यवस्थित सूचना प्रवाह गर्ने उद्देश्यले यो प्रविधि अपनाइएको हो।