झापाको विद्यालय छात्रावासमा शिक्षिका मृत फेला, श्रीमान् बेपत्ता

झापाको मेचीनगर नगरपालिका–६ स्थित अरुणोदय इङ्लिस बोर्डिङ स्कुलको छात्रावासमा २९ वर्षीया शिक्षिका कविता कुमारी ढुङ्गाना सोमबार मृत फेला परेकी छिन्। सर्लाहीको लालबन्दी स्थायी घर भएकी उनी आफ्ना ३० वर्षीय श्रीमान् रतन गुप्तासँगै विद्यालयको आवासीय कोठामा बस्दै आएकी थिइन्। शव फेला परेपछि उनका श्रीमान् बेपत्ता रहेको प्रहरीले जनाएको छ। घटनाको कारण पत्ता लगाउन प्रहरीले अनुसन्धान सुरु गरेको छ।