सुनसरीमा शान्ति र सद्भाव कायम गर्न उपराष्ट्रपति यादवको अपिल

उपराष्ट्रपति रामसहाय प्रसाद यादवले सुनसरी लगायत तराईका जिल्लाहरूमा भएका हालैका घटनाप्रति गहिरो चिन्ता व्यक्त गरेका छन्। बुधबार एक विज्ञप्ति जारी गर्दै उनले सबै नागरिकलाई सामाजिक सद्भाव, सहिष्णुता र आपसी भाइचारा कायम राख्न अपिल गरे। उनले देशको विविधताबीचको एकतालाई जोगाउन कुनै पनि विवादलाई शान्तिपूर्ण वार्ताबाट समाधान गर्नुपर्नेमा जोड दिएका छन्।