तराईका घटनाप्रति झलनाथ खनालको चिन्ता, शान्ति र सद्भाव कायम गर्न अपिल

पूर्वप्रधानमन्त्री तथा नेपाल कम्युनिस्ट पार्टीका वरिष्ठ नेता झलनाथ खनालले तराईका विभिन्न जिल्लामा पछिल्ला केही दिनयता भएका तनावपूर्ण घटनाप्रति गहिरो दुःख व्यक्त गरेका छन्। उनले सबै पक्षलाई शान्ति, संयम र सामाजिक सद्भाव कायम राख्न आह्वान गरेका छन्। खनालले घाइतेहरूको तत्काल उपचारको व्यवस्था मिलाउन र नागरिकको जिउधनको सुरक्षाका लागि प्रभावकारी कदम चाल्न सरकारसँग माग समेत गरेका छन्।