एआईद्वारा प्रयोगशालामा आफैँ विकसित हुन सक्ने नयाँ भाइरसको निर्माण

न्युयोर्कका अमेरिकी अनुसन्धानकर्ताहरूले आर्टिफिसियल इन्टेलिजेन्स (एआई) को प्रयोग गरेर प्रयोगशालामा आफैँ वृद्धि हुन सक्ने नयाँ भाइरसहरू सफलतापूर्वक निर्माण गरेका छन्। एआईद्वारा पहिलो पटक सम्पूर्ण जिनोमको डिजाइन गरिएको यो भाइरस प्रयोगशालामा पूर्ण रूपमा सक्रिय रहने बताइएको छ। यो उपलब्धिले विज्ञानको क्षेत्रमा नयाँ सम्भावनाहरू खोलेको भए तापनि यसले निम्त्याउन सक्ने जोखिमका बारेमा समेत बहस सुरु भएको छ।