नेपालमा सन् २०३५ सम्म देशभर ५जी सेवा विस्तार गर्ने प्राधिकरणको लक्ष्य

नेपाल दूरसञ्चार प्राधिकरणले देशको दूरसञ्चार क्षेत्रलाई उच्च गतिको ब्रोडब्यान्डमा रूपान्तरण गर्न 'मोबाइल ब्रोडब्यान्ड सुधार योजना (नेपाल्स रोड टु ५जी)' को मस्यौदा सार्वजनिक गरेको छ। यस योजनाअनुसार यसै वर्षदेखि शहरी क्षेत्रमा ५जी सेवा सुरु गरी आगामी एक दशकभित्र देशभर विस्तार गर्ने लक्ष्य राखिएको छ। सन् २०३५ सम्ममा देशभर उच्च गतिको मोबाइल इन्टरनेट सेवा पुर्‍याउने गरी यो मार्गचित्र तयार पारिएको हो।