रुपन्देही र रौतहटबाट विभिन्न मुद्दाका १३ जना फरार प्रतिवादी पक्राउ

रुपन्देही र रौतहट जिल्लाका विभिन्न स्थानबाट प्रहरीले १३ जना फरार प्रतिवादीहरूलाई पक्राउ गरेको छ। जिल्ला प्रहरी कार्यालय रुपन्देहीका प्रमुख प्रहरी उपरीक्षक जनक बहादुर शाहीका अनुसार अदालतबाट कैद र जरिवानाको फैसला सुनाइएका चार जनालाई पक्राउ गरिएको हो। यसैगरी, रौतहट प्रहरीले विभिन्न मुद्दामा दोषी ठहर भई लामो समयदेखि फरार रहेका नौ जनालाई नियन्त्रणमा लिएको छ। पक्राउ परेका सबैलाई फैसला कार्यान्वयनका लागि सम्बन्धित अदालतमा पेश गरिएको छ।