दशौँ राष्ट्रिय खेलकुद कर्णाली प्रदेशमा मंसिर १६ देखि २९ सम्म हुने

राष्ट्रिय खेलकुद परिषद्ले कर्णाली प्रदेशमा आयोजना हुने दशौँ राष्ट्रिय खेलकुदको नयाँ मिति घोषणा गरेको छ। यो प्रतियोगिता आगामी मंसिर १६ देखि २९ गतेसम्म (डिसेम्बर २ देखि १५ सम्म) सञ्चालन हुने तय भएको छ। यसअघि पटक-पटक मिति तोकिए पनि विभिन्न कारणले स्थगित हुँदै आएको यो खेलकुद कुम्भ मेला अब कर्णालीमा आयोजना हुने निश्चित भएको हो।