रोल्पा पहिरो: बेपत्ताको खोजी र राहत उपलब्ध गराउन रास्वपाको माग

रोल्पाको थवाङमा गएको भीषण पहिरोमा परी बेपत्ता भएकाहरूको प्रभावकारी खोजी गर्न राष्ट्रिय स्वतन्त्र पार्टी (रास्वपा) ले सरकारको ध्यानाकर्षण गराएको छ। रास्वपाका महामन्त्री विपिनकुमार आचार्यले एक विज्ञप्ति जारी गर्दै घाइतेको निःशुल्क उपचार र प्रभावित परिवारलाई तत्काल राहत उपलब्ध गराउन माग गर्नुभएको छ। पार्टीले जोखिममा रहेका बस्तीहरूको सुरक्षित स्थानान्तरणका लागि समेत सरकारसँग आग्रह गरेको छ।