रोल्पाको थवाङमा गएको पहिरोमा मृत्यु हुनेको संख्या १२ पुग्यो

रोल्पाको थवाङ गाउँपालिका-५, बोटलबारामा पहिरोले घर र गोठ पुरिँदा दुई जनाको मृत्यु भएको छ भने दुई जना गम्भीर घाइते भएका छन्। जिल्ला प्रहरी कार्यालयका अनुसार मृत्यु हुनेमा १८ वर्षीया शान्ति पुन मगर र ६० वर्षीय कमल बहादुर पुन मगर रहेका छन्। घाइते हिमाल पुन मगर र सञ्जय घर्तीमगरको अवस्था चिन्ताजनक रहेको छ। अविरल वर्षाका कारण गएको पहिरोले घर भत्किँदा यो घटना भएको हो।

रोल्पाको थबाङ गाउँपालिका-५, कोतलबाडामा बुधबार राति गएको पहिरोमा परी तीन जनाको मृत्यु भएको छ भने नौ जना अझै बेपत्ता छन्। जिल्ला प्रहरी कार्यालयका अनुसार पहिरोमा पुरिएका ७१ वर्षीया मनराखी पुन मगरको शव बिहीबार फेला परेपछि मृतकको संख्या तीन पुगेको हो। यसअघि १८ वर्षीया शान्ति पुन मगर र ६० वर्षीय कमल बहादुर पुन मगरको मृत्यु भएको थियो। पहिरोले घर र गोठ पुर्दा अन्य दुई जना गम्भीर घाइते भएका छन् र बेपत्ताहरूको खोजी कार्य जारी छ।

रोल्पाको थवाङ गाउँपालिका-५, कोतलबाडामा बुधबार राति अविरल वर्षासँगै गएको पहिरोमा परी सात जनाको मृत्यु भएको छ भने पाँच जना अझै बेपत्ता छन्। पहिरोले घर र गोठ पुर्दा २२ वर्षीय हिमाल पुन मगर र २५ वर्षीय सञ्जय घर्ती मगर गम्भीर घाइते भएका छन्। बेपत्ताहरूको खोजीका लागि नेपाली सेना, सशस्त्र प्रहरी बल र नेपाल प्रहरीको टोली घटनास्थलमा खटिएको छ। घाइतेहरूलाई थप उपचारका लागि बुटवल पठाइएको छ।

रोल्पाको थवाङ गाउँपालिका-५, कोतलबाडामा बुधबार राति गएको भीषण पहिरोमा परी मृत्यु हुनेको संख्या १२ पुगेको छ। अविरल वर्षाका कारण गएको पहिरोले घरहरू पुरिँदा केही व्यक्तिको शव छिमेकी प्युठान जिल्लाको नदी किनारमा समेत फेला परेको थियो। नेपाली सेना, सशस्त्र प्रहरी बल र नेपाल प्रहरीको टोलीले बेपत्ताहरूको खोजी तथा उद्धार कार्य जारी राखेका छन्। सरकारले पहिरो पीडित परिवारलाई राहत र आर्थिक सहयोग उपलब्ध गराउने निर्णय गरेको छ।