बागमती प्रदेशमा व्यवस्थित विकासका लागि सहरी नीति २०८३ कार्यान्वयन गरिँदै

बागमती प्रदेश सरकारले सहरहरूको व्यवस्थित विकासका लागि 'बागमती प्रदेश सहरी नीति २०८३' लाई प्रभावकारी रूपमा कार्यान्वयन गर्ने प्रतिबद्धता व्यक्त गरेको छ। भौतिक पूर्वाधार विकास मन्त्रालयद्वारा स्वीकृत यस नीतिले प्रदेशभित्रका सहरहरूलाई दिगो, उत्थानशील र पर्यावरणमैत्री बनाउने लक्ष्य राखेको छ। मन्त्रालयका प्रवक्ता मदनकुमार आलेमगरका अनुसार व्यवस्थित सहरीकरण र पूर्वाधार विकासलाई प्राथमिकता दिँदै यो नीति कार्यान्वयनमा ल्याइएको हो।