झापाका किसानलाई रासायनिक मलको अभाव नहुने

कृषि सामग्री कम्पनी लिमिटेडले झापा जिल्लामा रासायनिक मलको निरन्तर आपूर्ति भइरहेको जनाएको छ। कार्यालयका प्रमुख दीपककुमार राजवंशीका अनुसार हालसम्म ३२ हजार ९९१ बोरा युरिया र २६ हजार २६७ बोरा डीएपी किसानलाई वितरण गरिसकिएको छ। धान रोपाइँको मुख्य चरणमा पोटास समेत वितरण गरिएको र जिल्लामा मलको अभाव नहुने सुनिश्चित गरिएको छ। भद्रपुर लगायतका क्षेत्रमा आपूर्ति व्यवस्था सहज बनाइएको कम्पनीले उल्लेख गरेको छ।