विपद् प्रभावितको उद्धार र पुनःस्थापनालाई व्यवस्थित बनाउन पूर्वराष्ट्रपति भण्डारीको आग्रह

पूर्वराष्ट्रपति विद्यादेवी भण्डारीले देशका विभिन्न भागमा अविरल वर्षापछिको बाढी र पहिरोबाट प्रभावितहरूको खोज, उद्धार, राहत तथा पुनःस्थापनालाई व्यवस्थित र समन्वयात्मक रूपमा अघि बढाउन आग्रह गर्नुभएको छ। सामाजिक सञ्जालमार्फत उहाँले जोखिममा रहेका बस्तीहरूको पहिचान गरी परिवारहरूलाई सुरक्षित स्थानमा स्थानान्तरण गर्न सम्बद्ध सबै पक्षको ध्यानाकर्षण गराउनुभएको हो। उहाँले रोल्पा, बाजुरा, जाजरकोट, कास्की र पर्वत लगायतका जिल्लामा भएको क्षतिप्रति चासो व्यक्त गर्दै पुनर्निर्माणलाई प्राथमिकता दिन जोड दिनुभएको छ।