अदालतको आदेशविपरीत वीरगञ्जस्थित कार्यालय भवन भत्काइएकोमा नेपाल टेलिकमको आपत्ति

सडक डिभिजन कार्यालय हेटौंडाले वीरगञ्जको घण्टाघर नजिकै रहेको नेपाल टेलिकमको कार्यालय भवन भत्काएपछि टेलिकमले गम्भीर आपत्ति जनाएको छ। उच्च अदालत जनकपुरको अस्थायी इजलास वीरगञ्जले भवन नभत्काउन अल्पकालीन अन्तरिम आदेश दिएको भए तापनि डोजर प्रयोग गरी संरचना भत्काइएको टेलिकमले जनाएको छ। प्रबन्ध निर्देशक संगीता पहाडी अर्यालले एक विज्ञप्ति जारी गर्दै अदालतको आदेशको अवज्ञा गरिएकोमा ध्यानाकर्षण गराउनुभएको छ। टेलिकमले यस कार्यलाई गैरकानूनी भन्दै विरोध गरेको छ।