हरेक स्थानीय तहमा दुई ‘क्लाइमेट च्याम्पियन’ राख्न युवा सम्मेलनको माग

काठमाडौँमा सम्पन्न तीन दिने युवा सम्मेलनले देशका सबै स्थानीय तहमा कम्तीमा दुई जना ‘क्लाइमेट च्याम्पियन’ नियुक्त गर्न माग गरेको छ। ‘जलवायु पारदर्शिताका लागि एकजुट’ भन्ने नाराका साथ आयोजना गरिएको उक्त सम्मेलनले जलवायु परिवर्तनसम्बन्धी निर्णय प्रक्रियामा बालबालिका र युवाको अर्थपूर्ण सहभागिता सुनिश्चित गर्न १० बुँदे घोषणापत्र जारी गरेको छ। सहभागीहरूले स्थानीय, प्रदेश र संघीय तहका वातावरणीय नीति निर्माणमा युवाहरूको समानुपातिक प्रतिनिधित्व हुनुपर्नेमा जोड दिएका छन्।