लेखा परीक्षणलाई प्रभावकारी बनाउन कानुनी स्पष्टता र जनशक्ति आवश्यक: महालेखा परीक्षक राया

महालेखा परीक्षक तोयम रायाले मुलुकको लेखा परीक्षण प्रणालीलाई प्रभावकारी बनाउन जनशक्ति व्यवस्थापन र कानुनी स्पष्टता आवश्यक रहेको बताउनुभएको छ। काठमाडौंमा आयोजित संसदीय समितिको बैठकमा बोल्दै उहाँले सरकारी निकायहरूमा वित्तीय उत्तरदायित्व वहन गर्ने अधिकारीको स्पष्ट पहिचान नहुँदा बेरुजु फर्स्यौटमा समस्या देखिएको उल्लेख गर्नुभयो। उहाँले वित्तीय जवाफदेहिता र पारदर्शिता सुनिश्चित गर्न विभिन्न ऐनहरू निर्माण गर्नुपर्नेमा जोड दिनुभएको छ।