ग्यास सिलिण्डरमा स्थायी डिजिटल ट्रयाकिङ प्रणाली लागू गर्न शिवप्रसाद घिमिरेको माग

नेपाल एलपिजी ग्यास उद्योग संघका पूर्वअध्यक्ष शिवप्रसाद घिमिरेले ग्यास सिलिण्डरमा स्थायी डिजिटल ट्रयाकिङ प्रणाली लागू गर्नुपर्ने प्रस्ताव गरेका छन्। प्रतिनिधि सभाको उद्योग तथा वाणिज्य र श्रम तथा उपभोक्ता हित समितिमा बोल्दै उनले विगतको उपभोक्ता कार्ड प्रणाली असफल भएको भन्दै डिजिटल प्रणाली नै उत्तम विकल्प भएको बताए। यो प्रणालीले ग्यास आपूर्तिलाई व्यवस्थित बनाउन र सुरक्षा जोखिम न्यूनीकरण गर्न मद्दत पुग्ने उनको भनाइ छ।