सरोकारवालाद्वारा ‘पर्यटन विधेयक २०८१’ ल्याउनुपर्नेमा जोड

अन्तर्राष्ट्रिय सम्बन्ध र पर्यटन समितिको बैठकमा होटल एसोसिएसन नेपाल (हान) लगायतका सरोकारवालाहरूले ‘पर्यटन विधेयक २०८१’ ल्याउनुपर्नेमा जोड दिएका छन्। उनीहरूले पर्यटन व्यवसायलाई दीर्घकालीन, प्रभावकारी र बृहत्तर बनाउनुपर्ने धारणा राखेका थिए। बैठकमा अबको पर्यटनलाई ग्रीन, आरोग्य, धार्मिक र वैवाहिक जस्ता नवीन शैलीहरूमा समेट्नुपर्ने सुझाव दिइएको छ। काठमाडौंमा आयोजित यस छलफलमा पर्यटन क्षेत्रको विकासका लागि नयाँ कानुनी व्यवस्था आवश्यक रहेको बताइएको छ।