कृषि तथा वन विज्ञान विश्वविद्यालयका पदाधिकारीद्वारा चार आङ्गिक क्याम्पसको निरीक्षण

रामपुरस्थित कृषि तथा वन विज्ञान विश्वविद्यालयका पदाधिकारीको टोलीले चारवटा आङ्गिक क्याम्पसको स्थलगत निरीक्षण गरी त्यहाँका समस्याबारे छलफल गरेको छ। उपकुलपति प्रा.डा. ऋषिराम कट्टेलको नेतृत्वमा रहेको टोलीले सिन्धुली, कटारी, पाख्रिबास र बर्दिबासस्थित कलेज अफ नेचुरल रिसोर्स म्यानेजमेन्टको आकस्मिक निरीक्षण गरेको हो। निरीक्षणका क्रममा टोलीले क्याम्पसका शैक्षिक र प्रशासनिक अवस्थाबारे जानकारी लिएको थियो। टोलीमा विश्वविद्यालयका रजिष्ट्रार र डिनको समेत सहभागिता रहेको थियो।