सरकारी निकायमा युवाका लागि ‘पेड इन्टर्नसिप’को व्यवस्था गर्न सांसद गणेश पराजुलीको माग

राष्ट्रिय स्वतन्त्र पार्टीका उपनेता गणेश पराजुलीले प्रतिभाशाली युवाहरूका लागि सरकारी निकायहरूमा ‘पेड इन्टर्नसिप’ को व्यवस्था गर्न सरकारसँग माग गरेका छन्। सोमबार प्रतिनिधि सभाको बैठकमा बोल्दै उनले मन्त्रालय, विभाग र अन्य सरकारी निकायहरूमा निश्चित समयका लागि सशुल्क इन्टर्नसिप उपलब्ध गराउने कार्यविधि बनाउन आग्रह गरे। यस नीतिले युवाहरूको सीपलाई सरकारी संयन्त्रमा उपयोग गर्न मद्दत पुग्ने उनले बताए।