सांसद हरि ढकालद्वारा चितवन क्षेत्र नम्बर १ का विकास आयोजनाको अनुगमन

प्रतिनिधिसभा सदस्य हरि ढकालले चितवन क्षेत्र नम्बर १ मा सञ्चालित विभिन्न विकास निर्माणका आयोजनाहरूको स्थलगत अनुगमन गर्नुभएको छ। राज्य व्यवस्था तथा सुशासन समितिका सभापति समेत रहनुभएका ढकालले सङ्घीय कार्यालयका प्रतिनिधि र प्राविधिक टोलीसहित रत्ननगर लगायतका क्षेत्रको निरीक्षण गर्नुभयो। अनुगमनका क्रममा उहाँले नयाँ विकास आयोजनाहरूलाई समयमै कार्यान्वयन गर्न पहल गर्ने प्रतिबद्धता व्यक्त गर्नुभयो।