नेपाल चेम्बर अफ कमर्सद्वारा पूर्व अध्यक्ष राजेशकाजी श्रेष्ठ सम्मानित

नेपाल चेम्बर अफ कमर्सले आफ्ना पूर्व अध्यक्ष तथा सल्लाहकार परिषद्का अध्यक्ष राजेशकाजी श्रेष्ठलाई कदरपत्रसहित सम्मान गरेको छ। नेपालका लागि भियतनामका अवैतनिक महावाणिज्यदूत समेत रहेका श्रेष्ठलाई भियतनामको परराष्ट्र मन्त्रालयले 'आउटस्ट्यान्डिङ अवार्ड' प्रदान गरेपछि सो उपलब्धिको कदर गर्दै चेम्बरले सम्मान गरेको हो। काठमाडौंमा आयोजित कार्यक्रममा चेम्बरका अध्यक्ष कमलेश कुमार अग्रवालले श्रेष्ठको योगदान र अन्तर्राष्ट्रिय सम्बन्ध विस्तारमा उनको भूमिकाको प्रशंसा गर्नुभयो।