कर्णाली प्रदेश मन्त्रिपरिषद्को बैठकद्वारा कर्मचारी व्यवस्थापन र राजस्व विधेयकसम्बन्धी निर्णय

मुख्यमन्त्री मंगलबहादुर शाहीको अध्यक्षतामा बसेको कर्णाली प्रदेश मन्त्रिपरिषद्को बैठकले कर्मचारी व्यवस्थापन र राजस्वसम्बन्धी विधेयक लगायतका विभिन्न निर्णयहरू गरेको छ। बैठकले मुख्यमन्त्री तथा मन्त्रिपरिषद्को कार्यालयमा सरुवा भई आएका सहसचिव रमेश केसीलाई शान्ति सुरक्षा, विपद् व्यवस्थापन र सूचना प्रविधि हेर्ने प्रदेश सचिवको जिम्मेवारी दिएको छ। आर्थिक मामिला तथा योजनामन्त्री टेकराज पछाईका अनुसार बैठकले नयाँ तलबमान कायम गर्ने र राजस्वसम्बन्धी विधेयक अगाडि बढाउने निर्णय समेत गरेको छ।