केरुङमा आएको बाढीपछि पत्रकार टेकराज थामीसहित अन्य व्यक्तिहरू सम्पर्कविहीन

रसुवास्थित भोटेकोशी नदीमा आएको विनाशकारी बाढीका कारण नेपाल पत्रकार महासंघका पूर्वकेन्द्रीय सदस्य टेकराज थामी सम्पर्कविहीन भएका छन्। समाचार संकलनका लागि केरुङ हुँदै तिब्बततर्फ गएका थामीसँग सम्पर्क विच्छेद भएको महासंघले जनाएको छ। यसैगरी, नुवाकोटको बिदुर-७ का पत्रकार निराजन पौडेलका परिवारका पाँच सदस्य पनि सोही क्षेत्रबाट बेपत्ता भएका छन्। नेपाल पत्रकार महासंघले विज्ञप्ति जारी गर्दै बेपत्ता भएकाहरूको तत्काल खोजी गर्न माग गरेको छ।