भोटेकोशीको बाढीका कारण धुन्चेमा अलपत्र परेका यात्रुहरूको स्थलमार्गबाट उद्धार सुरु

भदौ १० गते भोटेकोशी नदीमा आएको बाढीका कारण रसुवाको धुन्चेमा अलपत्र परेका तीर्थयात्री, पर्यटक र सर्वसाधारणलाई बागमती प्रदेश सरकारले वैकल्पिक स्थलमार्गबाट उद्धार गर्न सुरु गरेको छ। मुख्यमन्त्री किरण थापा मगरको समन्वयमा यात्रुहरूलाई धुन्चेबाट मोटरमार्फत महावीरसम्म पुर्‍याउने, त्यहाँबाट एक घण्टा पैदल हिँडाएर चौगटी पुर्‍याउने र पुनः सवारीसाधनमार्फत काठमाडौँ ल्याउने व्यवस्था मिलाइएको छ। प्रभावित व्यक्तिहरूका लागि धुन्चे र चौगटीमा निःशुल्क खानाको समेत व्यवस्था गरिएको छ।