भोटेकोशी बाढीपीडितका लागि रेडक्रस तनहुँद्वारा एक लाख बढी सहयोग

नेपाल रेडक्रस सोसाइटी तनहुँ जिल्ला शाखाले भोटेकोशी बाढीपीडितको सहयोगका लागि १ लाख २ हजार ८३ रुपैयाँ प्रदान गरेको छ। शाखाका सभापति कृष्णप्रसाद गौतमका अनुसार जिल्ला प्रशासन कार्यालयसँगको समन्वयमा शव व्यवस्थापनका लागि नि:शुल्क एम्बुलेन्स सेवा र आवश्यक सामग्री समेत हस्तान्तरण गरिएको छ। रेडक्रसले आफ्ना मातहतका पालिका शाखा र युवा सर्कलहरूलाई विपद्को समयमा आफ्नो दायित्व पूरा गर्न आग्रह गरेको छ।