दाङमा सरकारी रुख कटान गरी भ्रष्टाचार गरेको आरोपमा नौ जनाविरुद्ध मुद्दा दायर

अख्तियार दुरुपयोग अनुसन्धान आयोगले सडक डिभिजन कार्यालय दाङका तत्कालीन प्रमुख रामपुकार जयसवाल र राप्ती गाउँपालिकाका अध्यक्ष प्रकाश विष्टसहित नौ जनाविरुद्ध विशेष अदालतमा भ्रष्टाचार मुद्दा दायर गरेको छ। देउखुरी क्षेत्रमा सरकारी रुखहरू अवैध रूपमा काटेर ८१ लाख २७ हजार ९०० रुपैयाँ बराबरको सार्वजनिक सम्पत्ति हानि नोक्सानी गरेको आरोपमा उनीहरूविरुद्ध मुद्दा चलाइएको हो। यस मुद्दामा तत्कालीन वन अधिकृत राजु क्षेत्री र दुई वडाध्यक्ष समेत संलग्न रहेको आयोगले जनाएको छ।