गहुँको न्यूनतम समर्थन मूल्य तोक्न कृषि विभागद्वारा सातै प्रदेशमा स्थलगत अध्ययन सुरु

सरकारले गहुँको न्यूनतम समर्थन मूल्य तोक्ने तयारीस्वरूप सातै प्रदेशमा स्थलगत अध्ययन सुरु गरेको छ। कृषि विभागले खटाएका प्राविधिक टोलीहरूले सुनसरी, सिरहा, काभ्रेपलाञ्चोक र कैलाली लगायतका प्रमुख उत्पादक जिल्लाहरूमा पुगेर लागत र उत्पादनको अवस्थाबारे जानकारी संकलन गरिरहेका छन्। टोलीले बुझाउने प्रतिवेदनका आधारमा सरकारले गहुँको समर्थन मूल्य निर्धारण गर्नेछ। यो अध्ययन कोशीदेखि सुदूरपश्चिम प्रदेशका विभिन्न जिल्लाहरूमा सञ्चालन भइरहेको छ।