रसुवागढी पावर हाउसमा थुनिएका कर्मचारीको तत्काल उद्धार गर्न कुलमान घिसिङको आग्रह

उज्यालो नेपाल पार्टीका अध्यक्ष तथा पूर्वमन्त्री कुलमान घिसिङले रसुवागढी जलविद्युत् आयोजनाको पावर हाउसभित्र थुनिएका कर्मचारीहरूको तत्काल उद्धार गर्न आग्रह गर्नुभएको छ। भदौ १४ गते टिमुरे, रसुवागढी र चिलिमे सुरुङको अनुगमन गरेपछि घिसिङले धुन्चेमा सुरक्षा निकायहरूसँग यसबारे छलफल गर्नुभएको थियो। भदौ १५ गते नेपाली सेनाको टोली पहुँच सुरुङभित्र २५० मिटरसम्म पुगेको जानकारी दिँदै उहाँले उद्धार कार्यलाई तीव्रता दिन आग्रह गर्नुभएको हो।