बाढीमा कागजात गुमाएकालाई बैंकिङ सेवा दिन राष्ट्र बैंकको निर्देशन

नेपाल राष्ट्र बैंकले बाढीका कारण चेक, एटिएम कार्ड र मोबाइल जस्ता बैंकिङ कागजात गुमाएका नागरिकलाई सहज रूपमा वित्तीय सेवा उपलब्ध गराउन बैंक तथा वित्तीय संस्थाहरूलाई निर्देशन दिएको छ। रसुवा र भोटेकोशी क्षेत्रका बाढीपीडितहरूले अब आफ्नो फोटो र हस्ताक्षर यकिन गरी बैंकिङ कारोबार गर्न पाउनेछन्। प्राकृतिक विपत्तिका कारण कागजात विहीन भएका ग्राहकहरूको वित्तीय पहुँच सुनिश्चित गर्न केन्द्रीय बैंकले यो परिपत्र जारी गरेको हो।