रसुवाको बाढीले पर्यटन क्षेत्रमा ५० अर्ब रुपैयाँभन्दा बढीको क्षति

संस्कृति, पर्यटन तथा नागरिक उड्डयन मन्त्री खड्कराज पौडेलले रसुवामा आएको बाढीका कारण पर्यटन क्षेत्रमा ५० अर्ब रुपैयाँभन्दा बढीको क्षति भएको प्रारम्भिक अनुमान गरिएको बताउनुभएको छ। प्रतिनिधि सभा अन्तर्गतको अन्तर्राष्ट्रिय सम्बन्ध र पर्यटन समितिको बैठकमा बोल्दै मन्त्री पौडेलले बाढीले पूर्वाधार र व्यवसायमा ठूलो असर पारेको जानकारी दिनुभयो। भोटेकोशी क्षेत्रमा आएको बाढीले स्थानीय अर्थतन्त्र र पर्यटकीय संरचनामा व्यापक क्षति पुर्याएको छ।