निकोलस मदुरोद्वारा लागुऔषध तस्करीको मुद्दा खारेज गर्न अमेरिकी अदालतमा माग

भेनेजुएलाका पूर्वराष्ट्रपति निकोलस मदुरो र उनकी पत्नी सिलिया फ्लोरेसले आफूहरू विरुद्ध लागेको लागुऔषध तस्करीको मुद्दा खारेज गर्न अमेरिकी अदालतमा माग गरेका छन्। मदुरोका वकिलहरूले बुधबार म्यानहट्टनस्थित सङ्घीय अदालतमा सार्वभौम प्रतिरक्षाको आधारमा उक्त अभियोग खारेज हुनुपर्ने माग राख्दै निवेदन दिएका हुन्। अमेरिकी अधिकारीहरूले उनीहरूमाथि लागुऔषध ओसारपसारमा संलग्न रहेको आरोप लगाएका छन्।