ताप्लेजुङका हिमतालहरूको जोखिम मूल्याङ्कन र अध्ययन गर्न समितिद्वारा माग

ताप्लेजुङको जिल्ला विपद् व्यवस्थापन समितिले उत्तरी सीमावर्ती क्षेत्रमा रहेका हिमतालहरूको प्राविधिक अध्ययन र जोखिम मूल्याङ्कन गर्नुपर्नेमा जोड दिएको छ। मिक्वाखोला, फक्ताङ्लुङ र सिरीजङ्घा गाउँपालिकामा रहेका हिमतालहरूको अवस्थाबारे अनुसन्धान गर्न आवश्यक रहेको बैठकले निष्कर्ष निकालेको हो। यस प्रक्रियालाई अगाडि बढाउन राष्ट्रिय विपद् जोखिम न्यूनीकरण तथा व्यवस्थापन प्राधिकरणसँग पहल गर्ने निर्णय समेत गरिएको छ।