साउदी अरबका चार सहरमा हुथीको आक्रमण, ७३ घाइते र यमनमा ८१ लडाकूको मृत्यु

यमनमा बिहीबारदेखि सरकारी फौज र हुथी विद्रोहीबीच जारी झडपमा कम्तीमा ८१ जना लडाकूको मृत्यु भएको छ। सैन्य तथा चिकित्सकीय स्रोतका अनुसार भिडन्तमा ३९ सरकारी सैनिक र ४२ हुथी विद्रोही मारिएका छन्। ताइज र लाल सागरको तटीय क्षेत्रमा हुथीहरूले रकेट, ड्रोन र स्थलगत आक्रमण गरेपछि यो हिंसा चर्किएको हो।

इरान समर्थित हुथी विद्रोहीहरूले साउदी अरबका चार सहरहरूमा ड्रोन र मिसाइल आक्रमण गर्दा महिला र बालबालिकासहित ७३ जना घाइते भएका छन्। खामिस मुशैत, आभा र नजरान लगायतका क्षेत्रमा भएका यी आक्रमणहरूले तेल संयन्त्र र सैन्य हवाई अड्डाहरूलाई लक्षित गरेका थिए। यसअघि यमनको लाल सागर तटीय क्षेत्रमा सरकारी फौज र हुथी विद्रोहीबीच भएको भीषण झडपमा कम्तीमा ८१ जना लडाकूको मृत्यु भएको थियो। साउदी नेतृत्वको सैन्य गठबन्धनले यी आक्रमणहरूको निर्णायक जवाफ दिने चेतावनी दिएको छ।