भोटेकोशी बाढीमा बुबा बेपत्ता भएपछि सप्तरीका चार सन्तानको बिचल्ली

भोटेकोशीमा आएको बाढीका कारण सप्तरीका बेचन सदा १० दिनदेखि सम्पर्कविहीन भएपछि उनका चार सन्तानको बिचल्ली भएको छ। आमा हुलियादेवी सदाको क्यान्सरका कारण पहिले नै मृत्यु भइसकेको अवस्थामा बुबा पनि बेपत्ता भएपछि दुई दाजुभाइ र दुई दिदीबहिनी सहाराविहीन बनेका हुन्। बेचन सदा दुई महिनाअघि त्रिशूली जलविद्युत् आयोजनामा काम गर्न गएका थिए। अभिभावक नभएपछि बालबालिकाहरू अहिले बिचल्लीमा परेका छन्।