मानव बेचबिखनविरुद्धको अभियानमा ऐक्यबद्धता आवश्यक रहेको मन्त्री सीता बादीको भनाइ

महिला, बालबालिका, लैङ्गिक तथा यौनिक अल्पसंख्यक र सामाजिक सुरक्षामन्त्री सीता बादीले मानव बेचबिखन तथा ओसारपसारमुक्त समाज निर्माणका लागि सबै पक्षको सक्रिय सहभागिता आवश्यक रहेको बताउनुभएको छ। मानव बेचबिखन तथा ओसारपसारविरुद्धको २० औँ राष्ट्रिय दिवस–२०८३ को अवसरमा शुभकामना सन्देश जारी गर्दै उहाँले संघ, प्रदेश र स्थानीय सरकारबीच ऐक्यबद्धता हुनुपर्नेमा जोड दिनुभयो। मन्त्री बादीले सुरक्षित, मर्यादित र न्यायपूर्ण समाज निर्माणका लागि सबैको सहकार्य अपरिहार्य रहेको उल्लेख गर्नुभयो।