सिरहामा सशस्त्र प्रहरीद्वारा १५७ किलो गाँजा र लाखौँको अवैध सामान बरामद

सशस्त्र प्रहरी बल नेपाल नं. ७ गण हेडक्वार्टर सिरहाले औरही गाउँपालिका–४ इट्टाटारस्थित सीमा क्षेत्रबाट १५७ किलो २०७ ग्राम गाँजा बरामद गरेको छ। बुधबार बिहान करिब १:३५ बजे नेपालबाट भारततर्फ लैजाँदै गरिएको उक्त गाँजा गस्ती टोलीलाई देखेपछि तस्करहरूले छाडेर फरार भएका थिए। यसका साथै, एसपी सुमनजंग थापाको नेतृत्वमा खटिएको टोलीले जिल्लाका विभिन्न सीमा नाकाबाट १५ लाख ५६ हजार रुपैयाँ बराबरको अवैध सामान समेत बरामद गरेको छ।