गत वर्षको विध्वंसमा संलग्नलाई कारबाही नभएसम्म आवाज उठाइरहने महेश बस्नेतको उद्घोष

नेकपा (एमाले) का सचिव महेश बस्नेतले गत वर्ष भदौ २४ गते भएको आगजनी र विध्वंसका घटनामा संलग्नहरूलाई कानुनी कारबाही नभएसम्म आफ्नो आवाज नरोकिने बताएका छन्। घटनाको एक वर्ष पूरा भएको अवसरमा आफ्नो घरमा भएको लुटपाट र आगजनीको भिडियो सामाजिक सञ्जालमा साझा गर्दै उनले पीडितले न्याय नपाएको गुनासो गरे। बस्नेतले दोषीमाथि कारबाही र पीडितलाई क्षतिपूर्तिको माग समेत दोहोर्याएका छन्।