रास्वपाभित्र रवि लामिछाने र बालेन्द्र शाहबीच शक्ति संघर्ष चर्कियो

रास्वपामा सत्ता संघर्ष : रवि–बालेन टकरावले बढायो भद्रगोल

सत्तारुढ राष्ट्रिय स्वतन्त्र पार्टी (रास्वपा) सरकारमा पुगेपछि सबैभन्दा ठूलो चुनौती विपक्षी दलबाट होइन, आफ्नै घरभित्रबाट सामना गर्न थालेको छ । पार्टीको नेतृत्व सभापति रवि लामिछानेसँग छ भने सरकारको नेतृत्व वरिष्ठ नेता बालेन्द्र शाहसँग । तर यी दुई नेतृत्वबीचको शक्ति सन्तुलन, कार्यशैली र सरकार सञ्चालनको राजनीतिक स्वामित्वलाई लिएर बढ्दै गएको असमझदारी अहिले पार्टीका नेतादेखि मन्त्री र सांसदसम्म पुग्न थालेको छ ।